(Nell’angolo estremo del portico era collocata la
drogheria della citata “Celestina”, affacciata su Corso Umberto I.)
EL BOTEGHI
D’UNA VOOLTA ,
DAL TURAUN A LA ROCA DI MARCHES RANGAUN !!!
Zirodela! Nel centro
di quel bel paese,
detto di gente
strana ma gentile, ospitale e cortese,
da l’incros dla via
Roncati, c’lè subèt ded’la del Turaun,
fin là in fonda,
la Comuna vecia, a la Roca di marches Rangaun,
l’incros del
Munarein, dla Celestina, e l’incros del doo Cèsi,
da tòt i Spilambertes,
quatr’ari agl’eran ciamedi!
Le fin dai
prèm’aan del secol pasee, che lòngh el ceinter del paes,
se psiva trover
tante picoli boteghi, a conduziaun familier [...]
A comincer dal
quatr’ari, ch’in subèt ded’la del Turaun,
un antigh mulein
che mesneva frumeint e frumentaun,
che cun l’aqcua
del canel la grosa mesna feva girer,
e la resdora cun
el s’daas la fareina dal remzol doveva separer!
Da la pèrt ed
sàta, ed frunt al Turaun d’ed ‘dla la
streda,
la butega dèta
del Munarein un puchin originela,
bigiotteria,
sale e tabacchi e francobolli lui vendeva,
l’èber e
quaderen per chi andeva a scuola!
Ai pee del
Turaun, ì fradee Lucchi, che d’esgniven da Piumaz,
brev scarpulein,
che vendevan el pèli interi ed vacàta e coram,
in del
scherpi ràti egh feven el soli novi, che
torneven ander a spas,
e su misura,
feven del scherpi novi tòti cusidi a maan!
Ed fiach ai
Lucchi ed frunt al teatrein, c’le stee d’esfat,
l’antica, bela e
unica farmacia di Egidio Gaat.
In dl’angol del quatr’ari
dla Celestina la soo drogheria,
che vendeva
zocher, pasta, riis e tanta roba bauna di salumeria!
Pio avanti, sàta
el pordegh, la botega dei fratelli Tosi,
spezie speciali,
sali e tabacchi e tant’etri beli cosi,
bottiglie
speciali di italiani ed esteri liquori,
articoli da
regalo, francobolli e confetti per gli sposi!
Ogni dmanga el
secoler del pollame in via San Carlo el marchee,
cunèì, galein,
capaun, tachein, faraouni, clòmb d’ogni raza e qualitee,
la contreda pina ed ginta che des’gniven da ogni pert,
animali d’ogni
sorta in San Carlo gnìven a vander e comprer!
Lòngh via
Umberto pina del banchereli di ambulant,
el boteghi tòti
averti, cun tant furaster e viandant!
Sàta el pordegh del
Bargel, detto anch del Pavaiàun,
dove in dl’angol
a ghera un veecc lampiàun,
che a carburo
funzioneva e bein illumineva,
le mostre e
agl’esposizòun durante la Fera!
Sempre sàta
ch’el pordegh lè, ì fradee Bondi, brev forner,
oltre che fer e
coser el paan, un pastificio per la pasta feer,
cl’era sò al prèm
pian, dove sovra di telai la pasta fèven sughèr,
cuun la too
farèina, con i Bondi uno scambio si poteva feer,
cun dès kìlo ed
fareina, dès kilo ed pasta frasca,
apeina fata,
ogn’un el psiva a cà soo porter!
Sàta el pordegh,
in dl’àngol dla via Santa Maria,
sovra di cavalàt
ed lègn, che ogni sera i tireven via,
la bancherela
d’un’anziana signora che tot ciameven Pipiauna,
che vendeva frutta
e verdura e tant’etra roba bauna,
d’autun
brustoliva di maraun dentro na padela,
cheld buint, in
un scartos ed cherta zala al pubblico vendeva!
Sovra a un baruzein,
la Suemma e soo fiol, che ciameven Bamburin,
vindiven di
zoogh per i ragazoo piò grand e per i putein ciin,
e anche mignìn,
minteini, sigaràti ed zòcher, ciocolatein e carameli,
cridevan foort i
ragazoo, finché el soo mami, dovevano comprerghi!
In dl’angol da
la perta ed sovra del quatr’ari, del doo Cesi,
el Cafè Nazionel,
che del paès l’era el cafè piò beel,
ben gestito dal
signor Biavardi, detto Cichina, con soo
muier,
cl’era l’Ergia
Goldoni che con el soo riceti specel
conduceva la
famosa premiata fabbrica d’amaretti de Spilambert!
Subèt ed sovra
la Cesa ed Sant’Adrian, la Filanda, che ancàra fileva da terseint’an,
ì bosol di beegh per fer la seda, continuava a lavorer e
fileer,
la seda piò fina
e pregeda del mònd, riusciva ancàra feer!
Lè asvèin a
ghera un mecanegh, c’al feva novi e giusteva biciclat,
Massimo
Leonardi, che G.I.L.A.M. l’era la soo merca e soo brevàt,
per chi a màsa, al cinema o a fer i soo interesi andeva,
a Massimo a
deposito in custodia la soo ciclo le laseva,
pagand quater
soold, tér sicur che nisuun te la rubeva,
se in una ruota
ed ciapèv un ciold o l’et scopieva
Massimo cun poca
spesa subèt na peza agh tacheva!
Là in zèma a via
Sant’Adrian, la latteria d’Armando Sasatèl,
che vendeva latte
fresco appena munto, cl’era ancàra cheeld,
latte intero,
menga lavoree, per gninta stee spanee,
che t’el
misureva cun di busolot da un lèter, un meez o un quert!
Di Jufina,
ed mister sert e barber a gher la soo
butega,
là in fonda, prèma
d’ariver a la Comuna vecia,
con tree
lavoranti, breghi, giaca e gilè confezioneva,
el sàbet che
tanti uomini, barba e capelli s’andeva a toser,
per toot el
giòren, fina a la mezanota, tant g’aviven da lavorer!
[...]
Lè vera che la
ginta d’na volta l’era ignoranta e
aretreda,
erano in bulàta
come i caan, ma vivevano n’a vita
spensiereda,
quand i gniven a
cà d’ambrosa o in campagna i andeven a lavorer,
longa la streda
a’sintiva canter e s’c’ifler del canzaun o storneled,
in di gioren ed
festa, dal Turaun a inzèma al punt, par
al stred
una procesiaun
ed zoven e ragazi, che per tot el gioren pasegeva,
[...]
Cun ch’el mee dialàt spilambertes tot sgangheree,
della vita dla
ginta d’una voolta e del soo boteghi a vo racontee,
a srèva mee
desiderio, come ricordo, ai posteri laser,
[...]
Prema ed finir,
chiedo scusa ai tanti menga nominee,
comerciant, artigian,
pitoor, intaiador, marangaun stremnee in paes,
che la soo
ativitee an’no menga psuu illustrer,
cl’era tutta
gente che da l’alba al tramonto tant foort lavoreva,
ciapeva pooch
soold, in tanta miseria viveva,
ma vi garantisco
che campèr bene sapeva!!!
Tich e tach del
boteghi d’una voolta la soo ZIRODELA !!!!
Spilamberto, giugno 2011. Lambertini Raffaele per
gli “Spilambertes” Raffaello!!!
Nessun commento:
Posta un commento