mercoledì 12 dicembre 2018

CAPRICCI DIALETTALI / 14

L’ASÉ BALSÀMA

Sonetto di Silvio Cevolani,
tratto da  “Storia di Spilamberto a Sonetti”, Mercatino di Via Obici, 2003


Disegno di Fabio Amadessi per “Vita di San Balsama”, Mercatino di Via Obici, 2008.


Guerda egh culor, piò scur che al piò brot pchè,
e pés, e deins ch'al pèr quesi savor;
mo bel e cier damanch t'l'aves culè
e quand l'é bel daboun al fa lusor.

Verel mo adesa e apeina destapè
mategh asvein al nes e seint l'udor
che un'eter quel ch'al sia acsè profumè
t'en al sintre mai piò, al me bel sgnor.

As capes ch'a t'in dagh un cuciarein
e un cuciarein d'arzeint e brisa ed zama[1]
che i sgnor i van coi sgnor: o an deghia bein?

E adesa t'al po dir se la so fama
l'é giosta opur s'l'é un quel da buratein:
adesa t'l'é sintu l'Asei Balsama.




[1] Lega metallica di scarso pregio. Con tocco professionale preciserò che è costituita principalmente da zinco, con un 4% di alluminio e poco magnesio (0,04%); a volte anche un po' di rame (1%).

Nessun commento:

Posta un commento